OKUTUSASUZA SSENTE TEKIBA KYABWENKANYA;
Munnamateeka Medard Lubega Ssegonna avuddeyo nategeeza Kkooti Ensukkulumu nti okugoba omusango ate nebalagira okusasula abawawabirwa okuli; Pulezidenti Yoweri Kaguta Museveni, Akakiiko k’ebyokulonda aketengeredde aka Electoral Commission Uganda, ne Attorney General tekyetaagisa nti era kijja kumalamu abalala amaanyi abandyagadde okuwakanya ebivudde mu kalulu.
Ayongeddeko nti bwebaggyayo omusango kyategeeza nti abawawabirwa baba bawangudde. Nti era omuwawabirwa omukulu Pulezidenti Yoweri Kaguta Museveniyalangirirwa dda ng’omuwanguzi era Pulezidenti nga teyetaaga ssente za Munnayuganda owabulijjo.