Police e Njeru mu Disitulikiti y'e Buyikwe egombyemu obwala omwami n'omukyala abafumbo ku bikwata ku kuttibwa kw'omukozi waabwe Agness Nampijja ow'emyaka 30 .
Kigambibwa nti Nampijja abadde akwata ssente mu bbaala eyitibwa Friends Bar esangibwa e Njeru era okunoonyereza kwa Police kulaga nti ekiro ekyavuddeko nga Nampijja tannafa, yannyuka kikeerezi okuva ku mulimu wabula ate enkeera n'asangibwa mu lusuku nga z'embuyaga ezikaza engoye
Omwogezi wa Police mu ggwanga, Asan Kasingye agambye nti Ntali Joseph ne Mukyala we balina eby'okuddamu eri Police kubanga waabaddewo okwogerezeganya wakati wa Ntali n'omugenzi ku ssimu nga tannafa. N'olwekyo bano bakuumirwa ku Police y'e Nalufenya.