Hon. Ibrahim Ssemujju Nganda; “Ebiseera ebisinga mukufiirwa, abantu boogera birungi byokka, naabo abayinza okuba nga bakuzibuwaliza obulamu. Amazima okufa kwa Jacob Oulanyah kumpadde ebyokuyiga bingi, ngenda kuwandiika olukalala lw’abo abalina okusemberera jjeneza yange okwogera.
Waliwo ebirungi byofuna okubeera mu National Resistance Movement – NRM; osobola okubeera Sipiika oba Ssaabaminisita wabula olina okubeera omwetegefu okunenyeza ebintu byotakola. Nasooka okwogera ne Hon. Oulanyah nga Munnamateeka oluvannyuma nafuuka Sipiika, mu kuyisa etteeka lya POMA nali omu ku beyalagira bafulumizibwe mu Palamenti naye yali mwetowaze yampita netukwatagana oluvannyuma nenkitegeera nti yeyali enkola ye eyemirimu.”