Okuwulira omusango oguvunaanibwa omubaka wa Mityana Municipality MP Zaake Francis Butebi kwayongezeddwayo okutuusa nga 24/05/2019 ku ssaawa ssatu zennyini ez’okumakya. Ono awerenemba n’omusango gw’okutoloka okuva mu kadduukulu ka Poliisi okutuuka mu ddwaliro e Rubaga ku kitanda.
Wabaddewo katemba mu Kkooti, omu kubalumiriza Omubaka Zaake bweyabuzeewo oluvannyuma lw’okutegeeza nti yabadde alagiddwa Poliisi okujja awe obujulizi era bwatyo nasaba Kkooti eddakiika 30 agende aleete ebiwandiiko byeyetaaga wabula nga yafuuse musu gw’e Kanyanya n’essimu naziggyako.