Omulamuzi wa kkooti enkulu e Masaka, Dr. Njeiza Flavian agobye omusango gw’ebyokulonda ogwawaabirwa omubaka w’e Lwemiyaga Theodore Ssekikubo
Omusango guno gyebuvuddeko gwateekebwayo Patrick Nkalubo eyavuganya Ssekikubo mu kalulu ak’omwaka ogwaggwa nga Nkalubo ayagala kkooti eragire wabeewo okuddamu okubala akalulu ate era nga ayagala kkooti emuwe olukusa okuwakanya obuwanguzi bwe.
Ng’ayogerako ne bannamawulire oluvannyuma lw’omulamuzi okukatyemula, Ssekikubo agambye nti tawangudde Nkalubo wabula awangudde Minisita w’ensonga z’ebweru w’eggwanga Sam Kuteesa wamu ne Ssaabawandiisi w’akakiiko k’ebyokulonda, Sam Rwakojo ababadde beeyambisa Nkalub0 okumusuuza Lwemiyaga .
Wabula Ssekikubo ategeezezza Kuteesa nti alekeraawo okuteeka ssente mu Nkalubo wabula ye kennyini aggye yesimbewo e Lwemiyaga bavuganye .