Loodi Meeya wa Kampala, Ssaalongo Erias Lukwago agamba nti oluvannyuma lw’okumenya endagaano y’omwaka gwa 1962, Obwakabaka bwa Buganda buzze bubonaabona kubanga abantu abali mu Bwakabaka banyigirizibwa entakera.
Lukwago bino abyogeredde mu maaso ga Beene Empologoma ya Buganda ku mukolo gwa Bulungibwansi oguyindidde mu kisaawe ky’essomero lya Kampala mukadde mu ttuntu ly’olunaku lwa jjo.
Ye Katikkiro Charles Peter Mayiga akakasizza Loodi Meeya n’Obwakabaka nti ekiseera kijjakutuuka nga Gavumenti ya wakati terina kyakukola okujjako okuwa Buganda Federal.