Obwakabaka bwetabye ku Matikkira ga Kyabazinga ag’omulundi ogw’okutaano

Omumyuka wa Katikkiro ow’okubiri era Minisita w’eby’ensimbi n’enkulaakulana, Owek Robert Waggwa Nsibirwa, Minisita w’amawulire, Olukiiko, Kabineeti, Abagenyi Era Omwogezi w’obwakabaka Noah Kiyimba, ne Minisita omubeezi owa Gavumenti ez’ebitundu Joseph Kawuki, bebakiikiridde obwakabaka ku mukolo ogubadde ku kyalo Kamira mu gombolola ye Butagaya mu district ye Jinja.

kulw’obwakabaka, Owek Wagga Nsibirwa, yeebazizza Kyabazinga olw’okulemberamu ekisinde eky’okuzza ennono n’obuwangwa wamu n’Enkulaakulana eyabasoga.

Agasseeko nti Obwakabaka bwa Buganda n’obwa kyabazinga bujja kutambulira wamu ku nsonga z’ennono, obuwangwa n’Enkulaakulana kubanga omukwano n’obwa sseruganda obwa Buganda ne Busoga bwava wala.

Owek Nsibirwa agambye nti mu myaka etaano egya Kyabazinga Nadiope waliwo enkulaakulana etuukiddwako omuli, okubeera obumu n’enkulaakulana mu bantu be Busoga.

Gano gegabadde amatikkira ag’omulundi ogw’okutaano bukya Kyabazinga Wilberforce Gabula Nadiope IV atuuzibwa ku ntebe y’obwa Kyabazinga.

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.

More Stories
Abalamazi 19 batwaliddwa muddwaliiro e Naguru lwa bubonero bwa Cholera