Obwakabaka bwakukwatizaako Makerere okuzzaawo ekizimbe ekyayidde omuliro
Bino byogeddwa Omumyuka wa Katikkiro ow’Okubiri era Omuwanika wa Buganda Owek Robert Waggwa Nsibirwa bwabadde akiikiridde Obwakabaka okugenda okusisinkana Omumyuka wa Ssenkulu wa University ye Makerere Prof. Barnabus Nawangwe okumulaga ng’obwakabaka bwebunyolwa wamu naye mu kiseera kino eky’okusomooza.
Owek Nsibirwa agambye nti, Obwakabaka bwenyumiriza mu Prof. Nawangwe olw’a kaweefube gweyassa mu kuddaabiriza ennyumba Ssekabaka Muteesa II mweyasulanga ng’akyasoma e Makerere.
Agambye nti Obwakabaka bweteeseteese okukwatizaako Makerere Okuzimba ekizimbe kya Ivory tower ekyajja omuliro gyebuvuddeko.
Owek Waggwa Nsibirwa awerekeddwako, Minisita w’ebyenjigiriza Dr. Prosperous Nankindu Kavuma, Minisita w’amawulire era Omwogezi w’Obwakabaka Owek Noah Kiyimba.
Leave a Reply
You must be logged in to post a comment.