Obwakabaka bufulumizza ekiwandiiko ekirambika obwannannyini ku ttaka lye Kyambogo erikozesebwa Kyambogo University nga bweriri erya Estate ya CMS Kisosonkole.
Mu lukungaana lwa bannamawulire olutudde ku Bulange enkya ya leero, Omumyuka wa Katikkiro Asooka era Minisita W’Obuyiiya n’enzirukanya y’emirimu, Owek Assoc. Prof. Dr. Twaha Kigongo Kaawaase, agambye nti Obwakabaka buwakanya ebyafulumira mu mawulire nga biraga nti ettaka lino teririnaako bwa nannyini era mbu Kampala District Land Board y’eririnako obuyinza.
Era ategeezezza nti ebyapa byonna ebya Freehold nga mwemuli n’ekyapa kya Kyambogo University ebyakolebwa ku ttaka lya CMS Kisosonkole bikyamu era nga byakusazibwaamu.