Obwakabaka butenderezza emirimu gyomugenzi Oweek. Hajji Sseguya
Obwakabaka butenderezza emirimu gy’omugenzi Oweek Hajji Ibrahim Sseguya. Obubaka bw’obwakabaka bwetikiddwa Katikkiro Charles Peter Mayiga, mu kusaalira omugenzi e swallah esembayo ku muzikiti e Kibuli, naategeeza nga omugenzi bwabadde omujjumbize, omuwulirize, asengeka ensonga nga tannaba kuzanja mu lukiiko lwa Buganda, ate era agunjudde abaana omuli ne muwala we Rehma Nayiga memba ku bboodi ya Buganda Land Board.
