Obwakabaka bukungubagidde omusawo w’abazannyi b’omupiira eyafiiridde mu kabenje
Obwakabaka bukungubagidde omusawo w’abazannyi b’omupiira eyafiiridde mu kabenje.
Dr. Terric Kinene, eyaliko omusawo w’abazannyi b’empaka z’Amasaza ku FUFA Technical Centre, e Njeru, ttiimu ya Ssingo ne Vpers Sports Club, yafiiridde mu kabenje ku luguudo lw’e Mbarara.
Ku lw’Obwakabaka, Oweek. Henry Ssekabembe Kiberu, Minisita w’Abavubuka, Emizannyo, n’Okwewummuza, agambye nti Dr. Terric abadde aweereza mu ngeri ey’obukugu, obumalirivu, n’okwagala, kuba bangi abasoma obusawo bw’okujjanjaba abazannyi, babuddukamu.
Dr. Terric aziikiddwa leero mu Bulo, e Butambala.
