Minisita avunaanyizibwa ku byenfuna mu Bwakabaka bwa Buganda Owek. Wagwa Nsibirwa enkya ya leero asomye embalirira y’ Obwakakaba ey’omwaka gw’ebyensimbi 2017 / 2018 nga egenda kumalawo obuwumbi 74 mu obukadde 713.

Owek. asinzidde mu Lukiiko lwa Buganda e Bulange Mengo, mu mbalirira eno n’alaga n’engeri ensimbi zino gyezigenda okukufunibwamu okuva mu bintu eby’enjawulo omuli envujjo, ebitongole by’obwakabaka eby’amawulire nga K2, Radio ne Terefaayina,  abayizi mu matendekero g’obwakaba,  bannamikago n’amakuko amalala mangi.

Ayongedde n’alaga n’ebimu ku bintu ebikulu ebigenda okussibwako omulaka omuli okugula eddwaliro eritambula (Mobile Hospital),  Ambulance yooku mazzi , okuzimba ekizimbe gaggadde mu Ssettendekero wa Mutesa 1 Royal University,  okugaba endokwa z’emmwaanyi obukadde mukaaga, okugaba endu  n’ebirala bingi.