Katikkiro Charles Peter Mayiga; “Obulamu bw’Owek Joyce Mpanga butuyigiriza bino: Abazadde bazuule ebitone by’abaana ate babayambe okubikuza oba bawala, oba balenzi; Abaana bonna baweebwe omukisa okusoma, nga bakadde b’omugenzi bwe baakola; ate n’abafumbo bawagiragane, nga bba w’omugenzi we yamuwagira.
Owek Mpanga y’omu ku bayitimusizza emikisa gy’abakazi ng’akikoze awatali bwannalukalala. Yali ku lusegere lwa Ssekabaka Edward Muteesa, era ne Kabaka Mutebi II yamuwa Ekitiibwa ky’Amafumu n’Engabo. Afudde Mukiise wa Lukiiko omujjumbize.
Nsaasidde nnyo abamweyunzeeko, era tusaba Mukama amuwummuze mirembe.”