Waliwo Ababaka ba Palamenti abavuddeyo nebazuula ensimbi obuwumbi 454 zebalowooza nti zino zonoonebwa bwonoonebwa nga zisaasanyizibwa ku Pulezidenti Yoweri Kaguta Museveni. Bano banokoddeyo ensimbi obukadde 350 eziweebwa Pulezidenti nti zangoye kyebagamba nti kuno kuba kwonoona nsimbi yamuwi wa musolo nga kiba kitegeeza nti Pulezidenti asaasanya ensimbi akakadde 1 buli lunaku ku ngoye.
Mu alipoota eyabatono eyaboludda oluwabula Gavumenti bano bagamba nti Pulezidenti si muzannyi wa firimu mu Hollywood nti yetaaga okugula engoye empya buli lunaku kuba akulembera Egggwanga erijuddemu abankuseere.
Bano bebuuza lwaki abeera alina okugula engoye zabukadde 350 buli mwaka. Bano bebuuza ekyatuuka ku ngoye zonna zebamugulira omwaka oguwedde!
Bano era bebuuzizza ku nsimbi obukadde 600 eziweebwa State House buli mwaka okugula ebibajje ngensimbi zino zezimu ezabaweebwa omwaka gwebyensimbi oguwedde.