#Amatikkira27: Obuganda busabidde Ssaabasajja Kabaka okumukulisa okuweza emyaka 27 ng’Alamula Obuganda.
Okusaba okwenjawulo kubadde Namirembe mu Maka ga Ssaabalabirizi Dr. Stephen Kazimba Mugalu ate ne mu lutikko e Lubaga. Rev. Fr. Dr. Pius Male Ssentubwe chancellor we Lubaga yakulembeddemu okusaba.
Mu kusaba kuno Obwakabaka bukiikiriddwa Baminisita ba Kabaka, Oweek David Kyewalabye Male yabadde e Namirembe, ate Oweek Noah Kiyimba e Lubaga nga bano bebasomye obubaka bw’Obwakabaka obuteereddwako omukono gwa Katikkiro.
Bannaddiini basinzidde wano nebeebaza omutonzi olw’obulamu n’amagezi byawadde Omutanda ebimusobozesezza okutuuka ku buwanguzi mu byonna.