Eyaliko omuduumizi wa Uganda Police Force Rt. Gen. Kale Kayihura avuddeyo neyesammula ebigambibwa nti ateekateeka kwesogga by’abufuzi avuganye ku kifo ky’omubaka akiikira Bufumbira East mu Palamenti.
Kayihura agamba nti ezo ngambo ezitaliiko mutwe namagulu kuba nti ye ng’omuntu atya eby’obufuzi era tayinza kwesimbawo wadde kubwa Ssentebe bw’ekyalo nga amaanyi agenda kugateeka mu kulunda.
Ono era agamba nti yewuunya abantu abavaayo nebategeeza nga Kkooti y’amaggye bweyamusonyiwa emisango nagamba nti ebyo byappa, Kkooti yakizuula nti teyalina musango gwonna era neyebaza Pulezidenti Yoweri Kaguta Museveni olw’obutagoberera ngambo na bulimba wabula n’akola okunoonyereza okutuusa lweyazuula amazima.