Abadde Aduumira Police mu Disitulikiti y'e Buyende, Muhammad Kirumira alangiridde nga bw'annyuse emirimu gye mu kitongole kya Police.
Mu bubaka bw'atadde ku mukutu gwe ogwa Watsupp, Kirumira ategeezezza nti annyuse emirimu gino oluvannyuma lw'okukitegeera nti erinnya lye teriritereera n'omulundi n'ogumu mu maaso ga bakama be.
Alangiridde oluvannyuma lwa Olukiiko oluddukanya Police okumutwala mu kakiiko akakwasisa empisa mu Police nga alangibwa okuba nga aliko emisango gyeyazza bweyali ng'akyali ku Police y'e Nansana ne Kampala mukadde. Avunaanibwa emisango egy'okutulugunya abantu, okuggya ensimbi ku bantu, okwenyigira mu buli bw'enguzi awamu n'okugombamu obwala mu ngeri emenya amateeka, wabula gino gyonna emisango egyegaanye n'agamba nti bano matu ga mbuzi agamusibwako okumuliisa engo.