Ssaabawandiisi wa National Resistance Movement – NRM, Richard Todwong avuddeyo nategeeza nga ekibiina kya NRM bwekisinga obuganzi ebibiina byonna mu Ggwanga Yuganda. Ono agamba nti abo abalowooza nti si kyekisinga obuganzi basaanye bakimanye nti ku buli kyalo, Muluka ne Gombolola balinako abakulembeze 30. Agamba nti bano baba bamala bumazi, kuba babakungabukunzi nga kyekola. Ayongerako nti ate bwebawangula ababavuganya bewuunya nnyo.
Todwog agamba nti aba National Unity Platform NUP bweboogerako nti babbye e Kayunga byabwewussa kuba ekibiina ekisinga obuganzi tekisobola kwenyigira mukubba bululu.
Ayongerako nti baleme kulowooza nti NRM bwesirika bwebunafu bwayo, kuba oli bwakukasukira ebisooto tobyegyako nga tebinakala, nti bakimanyi bulungi emboozi ze Kayunga zitandise okukala essaawa yonna bajja kwejjako ebyo ebikaze. Ono agamba nti tewali ayinza kubatiisatiisa kuba balina obuwagizi bw’abantu, era teri asobola kuzannyira ku Gavumenti ya NRM.