Ssekaggale wa Democratic Party Uganda era nga ye Minisita avunaanyizibwa ku nsonga z’amateeka n’essiga eddamuzi Norbert Mao atabukidde olupapula lwa New Vision olwakubye omutwe ogugamba nti DP ne National Resistance Movement – NRM bali munteeseganya okusimbawo omuntu omu ku kifo kya Pulezidenti mu Kalulu ka 2026, Mao agamba nti bino tanabyogerako era nabasaba batereeze ensobi gyebakoze.
Ye agamba nti mu bigambo bye yategeezezza nga NRM ne DP bwebagenda okutuula bekkaanye endagaano gyebakola eyokukolera awamu okulaba oba nga waliwo kyebatuuseeko oba nga betaaga okulongoosaamu mwebyo byebateesaako.
Mao agamba nti ba Ssaabawandiisi okuli owa DP nowa NRM bakusisinkana batunule mu ndagaano eyakolebwa okulaba oba nga ebyakiriziganyizibwako bituukiriziddwa oba nedda.