nnabagereka asiimye abakyala abavuddeyo okulwanirira ekitiibwa ky’omukyala
Ebyabadde ku kijjulo kya “Women In Rotary” ku Serena Hotel akawungeezi k’eggulo.
Nnabagereka yabadde omugenyi omukulu era akwasizza ebirabo abakyala abawanguzi mu biti eby’enjawulo, nga bano basobodde okuvaayo nebalwanirira ekitiibwa ky’omukyala wamu n’okugunjaawo ebibiina ebitakabanira eddembe ly’omukyala.
Nnabagereka ategeezezza nti ennaku zino abakyala bangi beesowoddeyo nebakola emirimu egy’enkulaakulana egikyuusizza embeera zaabwe.
Nnabagereka asabye banna Rotary okufaayo ennyo okugunjula n’okubangula abavubuka kubanga by’ebiseera bya Uganda mu maaso.
Katikkiro yeebazizza abakyala olw’obuvumu bwebayolesezza mu kulwanirira eddembe lyabwe.
Minisita w’abakyala n’ekikula ky’abantu, Dr. Prosperous Nankindu, naye asanyukidde eky’abakyala abeegattira mu kibiina kya Rotary okubeera abasaale mu kutumbula embeera z’abakyala.
