Minisita webyettaka omubeezi Persis Namuganza avuddeyo nagamba nti ye yewaddeyo okugenda mukomera olw’okulwanirira eddembe ly’ettaka. Yagambye nti ye nga Minisita w’ebyettaka tagenda kukomya kuyingira mu nsonga z’ettaka nga asindikiddwa President nti era akakiiko k’ettaka bwekaba kalaba nti akola nsobi kamusibe.
Okwogera bino kidiridde Namuganza okulabikako mu kakiiko akanoonyereza ku mivuyo gy’ettaka annyonyole lwaki yenyigira mu mivuyo gy’ettaka e Mubende.
