Nannyini ttaka akubaganye n’abasenze e Mukono

Abatuuze ku kyalo Banda Kyandaaza mu Ggombolola y’e Nakisunga mu Disitulikiti y’e Mukono bakedde kwelolera katemba atali musasulire ku kibanja ky’omugenzi Kato Mathias nga nannyini ttaka nga agugulana ne famire y’omugenzi nga bakulembeddwamu Muwanguzi Alex ono nga mutabani w’omugezi.
Muwanguzi agamba nti kibaweddeko bwebakedde ku nkya nebasanga nga Kansala ku Lukiiko lw’e Ggombolola y’e Nakisunga Ndagire Barbra asibye ssengenge ku kibanja kyabwe kwekusalawo bakuule ebikondo byonna.
Olutalo lutandise nga abaana b’omugenzi banenya Ndagire okubagaana okwegula so nga obusobozi babulina era wano enkalu wezitandikidde okunoonya obukonguvule.