Omubeezi wa Minisita w’eby’ettaka Persis Namuganza atuuse ku kyalo Kirangira Pulezidenti Museveni w’agenda okusisinkana abatuuze abakunukkiriza mu 300 abaagobebwa ku ttaka omugagga Dick Banoba. Banoba era yasenda amayumba n’okusaawa ennimiro z’abatuuze.
Ng’ayogera eri abatuuze, RDC w’e Mukono Fred Bamwine alagidde RPC wa Kampala n’emiriraano Micheal Musani akome ku basirikale be beewale okweyingiza mu misango gy’ettaka.
Bamwine agambye nti mu mwaka gwa 2013, pulezidenti Museveni yawa ekiragiro ekikoma ku Poliisi okumala gajingirira bisangosango ku beebibanja omuli okusaalimbira ku ttaka, okwonoona ebintu n’emirala. Essaawa yonna Pulezidenti Museveni asuubirwa okutuuka mu kifo kino okwogerako n’abatuuze 
