Avunaanyizibwa ku by’okulonda mu Kibuga Masaka, Sam Agaba alangiridde Munnakibiina kya National Unity Platform- NUP Florence Namayanja ng’omuwanguzi w’ekifo ky’obwa meeya oluvannyuma lw’okuwangula ababadde bamuvuganya 7 okuli n’omusuubuzi Emmanuel Lwasa.
Florence Namayanja (NUP), afunye obululu 28,824, Emmanuel Lwasa (independent) 7,408, Willis Mbabazi
National Resistance Movement – NRM
2,421, Charles Kabanda
Democratic Party Uganda
(DP) 841, Muhammed Sembajja 190, Robert Kaweesi 105, Puis Kabiswa 50 ne Francis Sengabi 20.
Namayanja agamba nti akalulu tekabadde kangu kuba n’omu ku bwebabadde bavuganya Lwasa yagezezaako okukabba.
Lwasa ye angamba nti Bannamasaka tebamanyi kyebaagala kuba abadde alina ebirowoozo ebikulaakulanya ekibuga Masaka okusinga Namayanja gwagamba nti talina kyeyakolera bantu b’e Bukoto East ng’omubaka.
Willis Mbabazi owa NRM agamba nti takiriziganya nabuwanguzi bwa Namayanja nti era agenda mu Kkooti.