Nalufenya aggaddwa

Akaduukulu ka Police e Nalufenya kaggaddwa era nga n’abasibe ababadde bakuumirwayo olw’okwenyigira mu bumenyi bw’amateeka baggyiddwayo nebatwalibwa mu buduukulu bwa Police ez’enjawulo.

Omusasi wa Luboggola Simba mu kitundu ekyo Solomon Baleke atutegeezezza nti akaduukulu kano kabadde kakuumibwa butiribiri nga n’abaserikale ababadde bakakuumu nabo baggyiddwawo.

Kino kijjidde mu kiseera nga Ssaabaduumizi w’ekitongole kya Police omuggya, Okoth Ochola yalagidde akaduukulu kano kaggalwe olw’okuba nti kabadde kalinnyirira eddembe ly’obuntu omuli n’okubakuumira mu kaduukulu kano okusussa mu ssaawa 48 ez’essalira.

Nalufenya buli abadde amutwalibwamu abadde vaayo nga amwekokkola olw’okutulugunyizibwa era nga n’abamu ku baasibibwayo mwemuli ; Jamil Mukulu, Omusinga w’obusinga bwa Rwenzururu – Charles Wesley Mumbere, Meeya wa Kamwenge – Geoffrey Byamukama, ASP Kirumira n’abalala bangi.