Wabaddewo katemba atali musasulire enkya ya leero mu katale k’e Mengo mu Kampala, abakyala abakolera mu katale kano bwebafuumudde munnaabwe nga nakawere wa lunaku lumu adde eka agira ayinsa omwana we.
Omukyala ono amanyikiddwa nga Jolly Kebirungi nga atambuza mmere mu katale , abadde azze okukola ng’akyali nakawere wa lunaku lumu.
Wabula banne baakola nabo batandise okuteebereza nti kyaliba nga omwana ono yamusse nabwekityo nebamupeeka okulaba omwana era ne bamugoberera ekiwejjo wejjo nga waka gyebasanze omwana nga muzinge mu bigoye .
Richard Kakande nga ye ssentebe w’abakolera mu katale kano agamba nti abakyala bagenze ewa Kebirungi okukakasa oba nga omwana mulamu.