Nakawere afiiridde mu kidiba – Mpigi

Wabaddewo akasattiro ku mwalo gw’e Kaamaliba mu Disitulikiti y’e Mpigi, nakawere ow’emyezi ebiri gyokka bwagudde mu kidiba ekisimwamu omusenyu naafiiramu!

Omugenzi ategeerekese nga Annet Nabuuma myaka 26 era nga abadde mutuuze wa ku mwalo guno nga okugwamu abadde agenze kusena ku mazzi okukkakkana nga kimututte e zzirakumwa.

Bo abatuuze okufa kwa nakawere ono bakutadde ku bagagga abasima omusenyu mu kitundu kino abatafa ku bulamu bwa batuuze, so nga Gavumenti yali yawera okusima omusenyu mu Lwera nga yalagira n’okuziika ebinnya byonna ebisimwamu omusenyu.