Nabbambula w’omuliro akutte essomero lya Victoria Nile Primary School – Jinja
Atwala eby’enjigiriza mu Jinja Municipal Council , Jonathan Kamwana asabye bannannyini masomero wamu n’abo abagakulira okugula ebyuma ebizikiza omuliro ogukudde ejjembe mu kwokya amasomero ensangi zino .
Kini kiddiridde essomero lya Victoria Nile Primary School okukwata omuliro enkya ya leero nga kiteeberezebwa nti omwana w’omu ku basomesa b’essomero eryo yabadde akuma ssitoovu wabula omuliro negukwata ekisenge mwebasula ekiriraanye Main Hall olwo negulanda ng’amabeere g’embwa .
Ye akulira essomero lino omukyala Harriet Gandhi aganba nti Police ezikiza omuliro yaggidde mu budde era omuliro n’eguzikiza wabula nga ebintu byonna ebibadde mu kisenge kino bisirisse .
