Mwewale Bannabyabufuzi abalimba nti Gavumenti terina kyekoze – HE. Museveni

Olunaku lw’eggulo Pulezidenti Museveni yalumazeeko mu bitundu by’e Arua, gyeyatongolezza enguudo ezaddabiriziddwa okuli: Enyau, Idi Amin, Kamure Park Round-about ne Old Jago.

Oluvannyuma yayogeddeko eri abatuuze ababadde bakungaanidde ku kisaawe ky’e Boma nabakubiriza okukola emirimu egireeta ssente. Yakubirizza abatuuze okukuuma eddembe bewale okudda mu dduka dduka gwebalimu emabegako.

Yasuubiza nti Gavumenti yakukola n’enguudo endala okuli: Atiak-Adjumani-Koboko, Arua-Terego-Moyo ne Nebbi-Goli.

Yabasabye okwewala Bannabyabufuzi ababungeesa engambo nti Gavumenti terina kyekoze okuyamba omuntu wawansi okweyagalira mu nsi ye nga mulamu.