Omumyuuka w’Omukulembeze wa Forum for Democratic Change – FDC Proscovia Salaamu Musumba aggyeyo omusango gweyali atadde mu Kkooti nga awakanya okulangirirwa kwa Rt Hon Rebecca Alitwala Kadaga nga omuwanguzi w’ekifo ky’omubaka omukyala owa Disitulikiti y’e Kamuli.Kadaga yalangirirwa n’obululu 92,388 ate ye Musumba nafuna obululu 26,851.Mu mpaaba ye Musumba yagamba nti Kadaga yagulirira abalonzi saako n’okubba obululu ekyamuwanguza. Musumba era yagamba nti Akakiiko k’ebyokulonda aketengeredde aka Electoral Commission Uganda kalemererwa okutegeka akalulu akamazima n’obwenkanya. Omusango yali yaguwaaba mu Kkooti Enkulu e Jinja nga gyagenze nategeeza nga omusango bwagugyeemu enta.
Leave a Reply
You must be logged in to post a comment.