Akulira oludda oluwabula Gavumenti Hon. Mathias Mpuuga Nsamba; “Mustafa Luwemba aliwa?
Mustafa Luwemba yawambibwa nga 19 November 2020 okuva e Kyebando – Nansana ku biragiro bya Yusuf Mugagga, Ssentebe wa National Resistance Movement – NRM ow’ekitundu.
Abavuzi ba booda booda ku siteegi ya Luwemba weyali akolera batandika okuyiggibwa aba Gavumenti oluvannyuma lwabano okubagaana okutimba ku siteegi yaabwe ebifaananyi bya Pulezidenti Museveni. Bamunoonyezza ku Poliisi n’ebifo byebyokwerinda ebyenjawulo naye yonna taliiyo.
Kigambibwa nti Mugagga amanyi wa Luwemba gyakuumirwa nabaani abamuwamba kuba olumu yasuubiza ab’oluganda lwa Luwemba okubatwala omuntu waabwe gyakuumirwa.”