Pulezidenti Museveni ayimirizza okusasula akasiimo eri abo abaazirwanako abali mu Disitulikiti y’ e Kyankwanzi ne Kiboga.
Kino kizze oluvannyuma lw’abakulembeze b’ekibiina ky’abazirwanako ekya Kasejjere , Kigemuzi nga Nkrumah Civilian Veterans Association, okutegeeza Pulezidenti Museveni nti abantu b’akwasa ssente zaabwe tebazituusa era nga bino baabimufuuyidde mu nsisinkano gyebaabaddemu naye e Ntebe mu maka g’obwa Pulezidenti.
Nickson Kabuye, omubaka wa Pulezidenti e Kiboga agamba nti Pulezidenti ayimirizza okugaba ssente zino okumala ssabbiiti bbiri kiyambeko okukola okunoonyereza ku nsonga eno .
Kabuye agamba nti alina okwemulugunya okuleeteddwa mu yaafeesi kungi nga kuliko n’obujulizi nga bulaga nti abamu ku ba ofiisa b’amagye b’ebeenyigidde mu kukumpanya ssente z’abantu bano nga n’abamu Ku baazirwako kumpi basalwako makkati ga ssente abantu abeefuula nti babayambye nnyo okuzifuna.