Museveni akole Gavumenti eyaawamu – Ken Lukyamuzi
Agenda okuwummula emirimu gy’ obubaka bwa Palamenti owa Lubaga eyaamaserengeta John Ken Lukyamuzi agamba nti Pulezidenti Museveni asaanye akole Gavumenti eyaawamu nga mulimu Dr. Kizza Besigye kubanga yawangula akalulu era alina abantu bangi abamukkiririzaamu .
Lukyamuzi okwogera bino abadde mu lukungaana lwa bannamawulire ku Palamenti akawungeezi ka leero naakakasa nti Besigye muntu wa bantu .
Wabula ye omubaka akiikirira abantu be Budadiri Nathan Nandala Mafabi owa FDC agamba nti bo bagenda kuteekawo Gavumenti ya bantu enaakola ku bizibu byabwe .
