Munnamawulire akubiddwa mizibu
William Mutyaba munnamawulire kigambibwa yakubiddwa abayizi ba St. Augustine College kayunga Wakiso ku biragiro by’omusomesa. Kigambibwa nti ono yali agenze ku ssomero lino ku ssaawa ssatu ez’ekiro okukuba ebifaananyi oluvannyuma lw’omuliro ogwali gukutte ekisulo ky’abayizi.
Mutyaba agamba nti omusomesa amanyiddwa nga Akena yalagira abayizi bamukube era bweyagezaako okudduka abakuumi nebagalawo gate. Wabula oluvannyuma yataasibwa omukuumi omu eyagamba abayizi nti baali bamukubye nnyo anatera okufa oluvannyuma lw’okumukubira essaawa nnamba.
Munnamawulire agamba nti Poliisi temuyambye kuba bagaanye okumubuulira webatuuse ku musango ggwe kuba tewali gwebaali bayise ku Poliisi.
