Multiplex etadde ekyuuma ku motoka ya CP Nuwabiine

Director Traffic and Road Safety, CP Lawrence Nuwabiine, kyamuweddeko oluvannyuma lwokusanga nga abakozi ba Multiplex basibye ekyuuma ku motoka ye mu kibuga Kampala nga bagamba nti bagibanja ssente za ppaakingi.
Nuwabiine yabadde apaakinze emotoka ye eyabuyonjo wabweru wa offiisi za Uganda Media Centre, gyeyabadde agenze mu lukiiko lwa Bannamawulire yewuunyizza lwaki emotoka ye babadde bagitaddeko ekyuuma.
Babadde balekeddewo n’akabaluwa ssaako ne nnamba yessimu ey’omuntu amanyiddwa nga Isaac gwalina okukubira. Okusinziira ku Multiplex bagamba nti emotoka eyo bagibanja sh66,400 wabula Nuwabiine yategeezezza nti emotoka eno tatera kugikozesa era yewuunya engeri ssente zino gyezawezeemu.
Ono yafunye akatebe ku Kiosk erinaanyeewo nalinda aba Multiplex bebamusindikidde okuggyako ekyuuma kino. Ono era yategeezezza Multiplex nti balina lwakiri okulekerawo ebizimbe ebifo 3 ebitali byakusasulira.
0 replies

Leave a Reply

Want to join the discussion?
Feel free to contribute!

Leave a Reply