Omubaka w’e Masaka mu Palamenti, Mary Babirye Kabanda agugumbudde abasajja abeegumbulidde omuze gw’okusuulirira bakyala baabwe ne babalekera obuvunaanyizibwa bw’okwerabirira n’abaana baabwe.
Annyonnyodde nti kino yakizuulidde ku bungi bw’abakyala abamwetayirira okubayambirako abaana ne bamutegeeza nti abasajja olubazaalamu nga babasuulawo.
Bino omubaka Kabanda yabyatulidde ku mukolo gwe yakwasirizza abaana bbasale mu masomero agenjawulo.
Muno mulimu aba yunivasite, pulayimale, siniya, amatendekero n’abasoma Obusaseredooti ng’obuyambi abuyisa mu kibiina kye ekya Babirye Kabanda Development Foundation.
Muky. Kabanda ne bba Charles Kabanda baategeezezza abazadde nti obuvunaanyizibwa bw’okulabirira abaana bwa babiri nga babakuliza mu mpisa bafuuke aboomugaso mu nsi.