Munnamateeka wa Brian Isiko avunaanibwa ogw’okukaka Omubaka wa Kabarole Omukyala Sylivia Rwabwogo okumwagala yalemereddwa okubuuza omubaka ebibuuzo olw’okuba yabadde talina Disc Player kuzannya nnyimba Isiko mweyafunanga obugambo bw’omukwano bweyasindikira nga omubaka.
Waiswa nga ye Munnamateeka wa Isiko asabye omulamuzi w’eddaala erisooka Stella Amabirisi okubafunira Disk Player basobole okuwulira ennyimba zino mu Kkooti. Era Waiswa yayongeddeko nti omulamuzi agobe omusango guno kuba Isiko ebigambo yabikoppa mu nnyimba z’abayimbi abamaanyi munsi yonna Don Williams, Iglesias Enrique ne Akon nga era asuubira tebirina bulabe bwonna. Omulamuzi omusango yagwongeddeyo okutuusa nga 12-December-2018.
Mulamuzi twetaaga okuwuliriza ku nnyimba Isiko zeyakozesa – Munnamateeka wa Isiko
