Mukuume emirembe, muddeyo mukole – Archbishop Kazimba Mugalu
Archbishop Dr Samuel Stephen Kaziimba Mugalu avuddeyo nasaba abo bonna abalina okwemulugunya ku kukulonda naddala abawanguddwa naye nga bakiwakanya okuddukira mu Kkooti.
Yasabye Bannayuganda okukuuma eddembe, nga abalina okwemulugunya basobola okugenda mu Kkooti oba okubikwasa Mukama Katonda alamule.
Yasabye Bannayuganda era okusonyiwangana baddemu bakole emirimu gyabwe, abawanguddwa yabagumizza nti eno si ye nkomerero.
Abawangudde yabasabye obutawoolera ggwanga eri abalonzi abatabalonze era babakolere nga tebafudde ku bibiina byabwe oba enjawulo mu maddiini.
Yasabye Gavumenti okulongoosa amasomero agali mu mbeera embi n’okwongeza omusaala gwabasomesa, amalwaliro amalungi agalimu eddagala n’abasawo abasasulwa obulungi.
