Omubaka wa Kyadondo East Robert Kyagulanyi (Bobi Wine) agaanye ekya Poliisi okumuwa obukuumi obw’enjawulo oluvannyuma lwa ye n’abakulembeze abalala ab’oludda oluvuganya Gavumenti okutiisibwatiisibwa okuttibwa ku mikutu gya Social media egyenjawulo.
Kino kyaletedde IGP Martin Okoth Ochola okulagira Director wa CID okutandika okukola okunoonyereza ku bino, era nti n’obukuumi bwabano okwongerwamu.
Ku bano kuliko Dr. Kizza Besigye, Robert Kyagulanyi ne Lord Mayor wa Kampala Elias Lukwago eyawandiikira IGP ku nsonga eno.
Wabula Kyagulanyi agamba nti ebitongole by’ebyokwerinda bisaanye kunywezebwa mu ggwanga lyonna okukuuma Bannayuganda so ssi muntu ssekinoomu.
