Jajja w’obuyisiraamu Omulangira Kassim Nakibinge akalaatidde abayisiraamu mu ggwanga okukulaakulanya ettaka ly’obuyisiraamu mu kifo ky’okulitunda kubanga kyekinaaleeta enkulaakulana.
Omulangira bino abyogeredde mu bayisiraamu b’e Naggulu Kiwalimu era bano n’abasaba okukuuma obutiribiri ettaka okuli omuzikiti gwabwe n’okulaba nga mpaawo muntu yenna yeetantala kulitunda.
Agamba nti tekyetaagisa bayisiraamu kulwanagana wabula kyetaagisa okubaawo emirembe ate n’okukuuma ebintu by’obuyisiraamu.
Jajja w’obuyisiraamu ayongedde n’alaajanira abayisiraamu okusabira eggwanga lyattu Katonda alitaase ku kyeya ekikutte wansi ne waggulu.
Ye ayaliko Meeya w’ekibuga ekikulu, Kampala Haji Nasser Ssebaggala asabye abayisiraamu okulaba nga beenyigira mu mikolo egifaanana bwegiti kubanga gibayamba okubaako byebayiga.