Minisita avunaanyizibwa kubyenjigiriza n’emizannyo era mukyala w’omukulembeze w’eggwanga Janet Kataaha Museveni avuddeyo ku ky’abaana okufuna embuto; “Kantandika nokukaatiriza nti abaana ate tebasobola kubeera ba Maama. Bwendaba ekiriwo kati ku mwana omuwala, amaziga gankulukuta ku mutima, nensigaza ebiwundu ku mutima ebitagambika.
Ekizibu kino kyeyongedde olwamasomero okuggalwa ekiseera ekiwanvu tewali kubuuza. Wabula nfuna okusoberwa nenebuuza nti lwaki abaana tebakyasobola kukuumibwa awaka! Kiki ekyatuuka ku famire?
Tusale amagezi agayinza okutuyamba okuvvuunuka ekizibu kino. Tulekerawo okuteeka ebyobufuzi mu nsonga eno kuba kyekiviiriddeko okuttatana ebiseera byabaana ebyomumaaso.
Nazikuno kibadde nti abantu okuva ebweru bebabadde batuyiiyiza butya bwetuvvuunuka ebizibu wabula ebiseera ebisinga obungi mbadde sikiriziganya nabyebatuwa.
Ekibuuzo kyange kiri nti; bwobeera nekkoona ku luguudo mwasanjala nga wagwawo obubenje bungi ogula motoka agafemulago kusomba bagudde ku bubenje oba ozuula ekizibu wekiva?