Pulezidenti Yoweri Kaguta Museveni avuddeyo nasaba abasomesa ba ‘Arts’ bonna mu Ggwanga okudda mangu ku mirimu basomese abaana b’Eggwanga nga ensonga zaabwe bwezikolwako. Ono abadde asisinkanye abakulira ekibiina ekitaba Abasomesa bonna mu Ggwanga ekya Uganda National Teachers’ Union (UNATU) ku kisaawe e Kololo.
Agambye nti talabawo nsonga bano ebeediimisa kuba eky’okwongeza abasomesa ba Ssaayansi omusalaa tekitegeeza nti bo aba ‘Arts’ babeerabidde. Ayongeddeko nti balina enteekateeka eri abakozi bonna nga tebaagala kubaawo agitaataaganya.