motoka 5 zitomereganye e mpigi

Mmotoka ttaano zaakoze akabenje e Mpigi ku lw’e Masaka abantu abasoba mu 30 ne bawonera watono okukafiiramu.

Akabenje kano kaagudde mu kkoona ly’e Mpanga ku lw’e Masaka ewafiira omubaka Namaganda mmotoka ya buyonjo ekika kya progress nnamba UAQ 949X eyabadde eva e Kampala ng’edda e Masaka omugoba waayo nagezaako okuyisa oluseregende lwa motoka natomeragana ne takisi namba UBB 910S eyabadde eva e Masaka nga edda eKampala olwo ne bbaasi ya kampuni ya Ibabu nnamba UAQ 461Q n’ezeekanga ng’egezaako okuyisa tuleera n’etomera takisi nnamba UBB 676X egibadde mu maaso nayo n’etomeragana ne tuleera eyabadde eva e Kampala ng’edda e Rwanda.

Okusinziira ku baabaddewo baategeezezza nti ddereeva wa mmotoka ya buyonjo yabadde avuga ndiima kyokka ng’enkuba etonnya olwo mmotoka n’emuwabako n’erumba takisi.