Abatuuze b’e Kasokoso ne Kito mu Bweyogerere ne Namugongo balaajanidde Mmeeya abayambe ku Maggye agabatulugunya n’amakubo amabi okuli n’emyala.
Bano babadde munsisinkano ne Mmeeya bw’abadde alambula ebitundu byabwe ne bamulombojjera ennaku amaggye gyegabalabizza omuli okubanyaga ensimbi zaabwe mu kiro n’okubakuba emiggo ng’ente awatali busaasizi.
Bano bagambye nti essaawa buli lweziwera bbiri ez’ekiro amaggye gaba gatandise okulawuna ekitundu era nga kekakutanda n’obagwamu eyakwalula eba esiridde, singa bakusanga nga tolina ssente emiggo gy’egiramula era basabye Mmeeya Mutebi agobe amaggye mu kitundu kuba tegalina kyegayamba wabula okubabbako ebyabwe.
Bano era baamulaze n’omwala mu kira KCCA gwe yakola kyokka nga guyita mu luguudo wakati wabula nga bwebagutindululako olutindo olubagatta ku kitundu ekirala tebaluzaako nga kati tebalina kkubo libayunga ku bitundu ebirala
mmeeya tuyambe ku b’maggye batukuba – batuuze
