Abamu ku babaka ba Palamenti abatuula ku kakiiko ka Bavubka n’abaana bavuddeyo nebasaba Omubeezi wa Minisita avunaanyizibwa kunsoga z’abavubuka n’abaana Nakiwala Kiyingi aveeyo afune ekyokukola nga okufunira abavubuka obuyambi wamu n’okuyamba abo abatayaaya kunguudo okusinga okulemesa omwana omuto avuddeyo yeyiiye nga ayimba.
Bano nga bakulemdeddwamu omubaka akiikirira Abavubuka mu Ggwanga lyonna Ann Adeke, MwineMpaka akiikirira Abavubuka be buggwanjuba wamu n’omubaka wa Kasambya County Gaffa Mbwatekamwa bawakanyizza ekya Minisita okwagala okusiba Patrick Ssenyonjo Aka Fresh Kid UG singa analemera kukuyimba.
Omubaka Mbwatekamwa era avuddeyo nategeeza nga bwagenda okuteeka ssente mu Fresh Kid UG asobole okukola ennyimba endala asobola okukuza ekitone kye. Ye Mwine Mpaka avuddeyo neyewuunya Minisita okugezaako okulemesa omwana omuto afunye ekyokukola songa mu ggwanga temuli mirimu.
Ye Adeke asabye Minisita aveeyo ayambe omwana ono okukuuma ekitone kye wamu n’okumuyamba ku banyunyusi abayinza okukozesa ekitone kye okwekusa bokka nabokka nga okumuyamba mu kuteekawo endagaano. Era ono agamba nti Fresh Kid nga ayambiddwa asobola bulungi okusoma nga bwayimba.
Leave a Reply
You must be logged in to post a comment.