Minisita Naduli atadde akaka ku bakungu ba Gavumenti abaagala okulya obuli

Minisita owa guno naguli,  Al Haji Abdul Naduli avumiridde nga kwossa n’okwambalira abakungu ba Gavumenti eya wakati abaagala obwagazi okulya  okusinga okukolera abantu . 

Nadduli okwogera bino abadde atongoza ekidiba ky’amazzi mu ggombolola y’e Makulubita mu Disitulikiti y’e Luweero okuyamba abalimi okufuna amazzi agafukirira ebirime .

Asinzidde wano n’asaba abantu okwettanira obulunzi nti lwebajja okweggya  mu bwavu era nga enteekateeka eno ekulembeddwamu ekibiina ekitaba ekkanisa z’abalokole mu ggwanga ekikulemberwa Bishop Joshua Lwela.

Ye Ssentebe w’ekyalo Kangave ekiri  mu Disitulikiti y’e Luweero Lutaaya Yusuf agamba nti babadde basanga obuzibu bwamaanyi olwekyeeya ekibalumba entakera era amazzi go babadde bageetaagira ddala .

Bishop Joshua Lwela agamba nti baakutandika n’amaka agasukka mu kikumi okusobola okutumbula eby’obulimi mu Disitulikiti yonna ey’e  Luweero.

 

0 replies

Leave a Reply

Want to join the discussion?
Feel free to contribute!

Leave a Reply