Minisita omubeezi avunaanyizibwa ku byenjigiriza eby’amatendekero aga waggulu era omubaka mu Palamenti akiikirira essaza ly’e Baamunaanika, Dr. JC Muyingo, atabukidde abeeyita abagagga abeesomye okutigomya abatuuze nga babasengula ku ttaka mu ngeri emenya amateeka .
Kino nno kiddiridde abatuuze naddala mu ggobolola y’e Zirobwe okulaajana nga basaba abakulembeze bwaabwe naddala omubaka waabwe mu Palamenti, Dr. Muyingo okubeerako ne kyakolawo ku bantu bano abagambibwa okusengula abantu awatali kugoberera mateeka ga ttaka, naddala ago agafuga abasenze ne ba nnannyini ttaka.
Dr. Muyingo okulabula kuno akukoledde mu muluka gw’e Bukimu mu ggombolola y’e Zirobwe mu Ssaaza lya Ssaabasajja Kabaka ery’e Bulemeezi mu Luweero bweyabadde ayogerako eri abatuuze mu kitundu ekyo.