Minisita Katumba alagidde IGP okukwata abasirikale abateekebwa ku Katonga

Minisita avunaanyizibwa ku by’ebyentambula n’enguudo mu ggwanga, Gen Edward Katumba Wamala alagidde Ssaabaduumizi wa Uganda Police Force IGP Martin Okoth Ochola okukwata Abasirikale bonna abateekebwa ku mulimu ogw’okukuuma olutindo lw’omugga Katonga okulutangira okuyitako emmotoka ennene nga agamba nti bano babadde baweebwa enguzi nebakkiriza emmotoka ezagaanibwa okuyitako. Abatuuze mu kitundu kino balumiriza nti abasirikale ba Poliisi bano babadde bafunawo abavubuka abakola nga babulooka okwogerezeganya n’abagoba b’emmotoka zino olwo aba Poliisi nebakkiriza okuyitawo.