Manchester United F.C be banantameggwa ba UEFA Europa League oluvannyuma lw’okukuba Ajax ggoolo 2-0 mu mupiira ogunyumidde abalabi mu Friends Arena.
Manchester United bamazeeyo omugatte gw’ebikopo ebyamaanyi era nga besozze Champions League season ejja.
Ggoolo za Manchester United ez’obuwanguzi zitebeddwa Paul Pogba’s mu kitundu ekisooka ne Henrikh Mkhitaryan’s mu kitundu eky’okubiri.
Lubadde lugendo luwanvu season eno nga Man U esambye emipiira 64 nga muno mubaddemu emipiira 15 nga etindizze miles 1,400 mu bibuga musanvu eby’enjawulo.
Obuwanguzi buno obutuukiddwako mu Sweden kitegeeza nti Jose Mourinho awangudde empaka 3 mu Season ye esoose ku Old Trafford omuli UEFA Europa, Community Shield ne EFL Cup.
United esuubirwa okusisinkana Juventus oba Real Madrid mu Cardif mu UEFA Super Cup nga 8 August mu Philip II Arena e Skopje, Macedonia.
Leave a Reply
You must be logged in to post a comment.