Hassan Male Mabiriizi Kiwanuka olunaku olwaleero asabye Omulamuzi w’eddaala erisooka owa Kkooti ya Buganda Road Stella Amabilis ewalirize Omubaka wa Kyaddondo East era Pulezidenti w’ekibiina kya National Unity Platform Robert Kyagulanyi Ssentamu aka Bobi Wine okulabikako mu Kkooti yewozeeko ku bigambibwa nti yalimba emyaka gye ku biwandiiko bye eby’obuyigirize.
Mabiriizi agamba nti Kkooti tesobola kugenda mu maaso nga Kyagulanyi taliiwo kwewozaako okusobola okufuna obwenkanya kuba ddembe lye erimuweebwa Ssematekka akawayiro aka 28.
Wabula ow’oludda oluwaabi olwa Gavumenti Peter Mugisha awakanyizza okusaba kwa Mabiriizi nga agamba nti waliwo ebbaluwa eya nga 2-September-2020 okuva ewa Director of Public Prosecution (DPP) nga ayagala Gavumenti okwezza omusango guno.
Mugisha agamba nti tewali kwemulugunya kuva mu Palamenti nga bulaga nti omubaka ayogerwako yawaayo ebimukwatako ebijingirire bwatyo nasaba omulamuzi okwogerayo ekiseera nga tanayita Mubaka Kyagulanyi mu Kkooti okuwa DPP obudde okunoonyereza ku musango guno.
Leave a Reply
You must be logged in to post a comment.